(غربة وحنين)
يا ضيعتي لفيها تربيت
وعشت فيها أنا وأولادي
والعدو ما خلا من بيوتك حيط
وحجارتو نزلت على الوادي
وغيرك ضيعة، ما استحليت
وفيكِ طمعوا كلاب الأعادي
وياما يا ضيعتي إلك حنيت
وببعدنا عنك فقدنا السعادة
وغابت الفرحة من كل بيت
والحرب سبب فرقتنا زيادة
ومن يومها بعدني بقول ياريت
ينتهي الحرب وتتحرر بلادي
ومش بإرادتي عنك أنا تخليت
لإني من بعد ربي بعبدك عبادة
وعلى نفسي أنا لِ جْنَيْتْ
وعلى غيابك عم يحترق فؤادي
لإني بجامعك ما عدت صليت
وعلى فراقك ياما دموع بكيت
من يوم ما هجرت أرض أجدادي
بقلمي إسحاق قشاقش
ليست هناك تعليقات:
إرسال تعليق