ق:سَـــــــــــــــــــــــــــــــــارَة
ك:أحمد عبد الرحمن صالح
✺
✺
✺
أَلَاقِـي الْحُبّ فِيـــنْ بَعْدَكْ
يَــــا أَجْمَـــــــلْ بِنْتْ حَبَّتْهَا
عَيْنِيكِ لَـمَّــــــــــــــا تِتْكَلَّمْ
بِتُوهْ وَأَسْــــــرَحْ فِـي رِقَّتْهَا
وَرُوحِـــي تِغِيبْ بَعِيدْ عَنِّي
وَتِرْجَعْلِـــــــــــي بِضِحْكِتْهَا
وَقَلْبِي مَ الْهَنَـــــــــــا يِغَنِّي
بِأَجْمَلْ غُنْـــــــــــوَةْ غَنَّيْتْهَا
بِحَبِّكْ حُبّ يَــــا سَـــــــارَةْ
يِنْسَــــــــــى النَّفْسْ لَوْعِتْهَا
قَابِلْتْ كَتِيــــــرْ وَلَا شُفْتِشْ
وَمَـــــا قَابِلْتِشْ فِي بَرَاءَتْهَا
جَمِيلَةْ وَهَـــــادْيَـةْ وَحَنَانْهَا
بِيَسْحَـــــــرْنِي فِـي ضَمَّتْهَا
كَفَايَــــــــــةْ إِنِّي فِي الدُّنْيَا
مَ شُفْتِشْ حَــدّ فِي طِيبِتْهَا
فِي بُعْـــدَكْ مُتّ مِيتْ مَرَّةْ
وَرُوحِي الْفَرْحَـــةْ خَصَمْتْهَا
وَمَهْمَـــــــــا الْمَـوْتْ يُفَرِّقْنَا
هَـعِيشْ مُسْتَنِّي آخِــــــرْتْهَا
تَكُــــــــــونْ لِيّ وَأَكُونْ لِيهَا
وَيِسْكُنْ قَلْبِــــــــــي جَنِّيْتْهَا
يَا رَبّ ارْحَمْهَــــــا وَارْضِيهَا
وَقَـــــــــــوِّينِي عَلَى غَيْبِتْهَا
جَمِيلَةْ بَـــــــــرِيئَةْ وَعُيُونْهَا
وَحْشَـــــــــــــانِي بِشَقَاوْتْهَا
فِي نَنّ الْقَلْبْ مِــــــنْ جُوَّهْ
رَسَمْتْ الْحُبّ بِصُــــــورْتْهَا
وَمِينْ يُــــــــوَصَّلْ لِغْلَاوْتْهَا
مَشَاعِرِي وَرُوحِــي عَشِقْتْهَا
وَقَلْبِي فِي صَــدْرِي يِتْنَطَّطْ
سَاعَةْ مَا يِجِيبُوا فِي سِيرْتْهَا
مَعَايَـــــــا فِي كُلّ مِشْوَارِي
يَا أَجْمَلْ سَــــــــــارَةْ حَبَّتْهَا
✺
كلمات:أحمد عبد الرحمن صالح
