مصري و ليوم التلاقي
****************
أشعار /ياسر عبد الحميد
--------------------------
انت زي اللي كانوا هناك زمان
كنت شارع كنت حارة
كنت عطفة و كنت خان
كنت بتأمل وجودك في الميدان
و الاسامي ع الشوارع
فكرتني باللي كان
و افتكرت تاريخ جدودك
و افتكر لحظة صمودك
لما واجهك ،، تُركمان
لما كان هدفك ،،وجود
كنت تضرب بالبارود
كنت قادر ع الصمود
عمر ما كان ليك قناع
لما ،،عديت،، القنال
فدائي جاهز للصراع
يا اللي ما تعرف محال
مصري ،، وقت الجد ،، بان
شوف تاريخك من زمان
في الحروب وسط الميدان
ديدبان ،،بيحمي ،، أرضه
و العدو،، يبانلك ،، جبان
انت اجمل عهد باقي
في الطابور ،، أول فدائي
حُر ،، رافض للسيادة
عبد ،، موصول بالعبادة
في القتال ،، أعظم شهادة
مصري و ليوم ,,,التلاقي
-------------------------
ليست هناك تعليقات:
إرسال تعليق