ناس من ذهب ....بقلم الشاعرة جميلة مزرعاني

 ناس من ذهب/ باللّغة المحكيّة

الدِّنيي يا صَحْبي

وجوه واعتاب ..

النّاس فيها معادن 

من كلّ الأجناس ..

في ناس  ..

عالجرح  بينحطّوا   ..

يطيب الجرح   ..

يتفتّق ورد فايح عطرو   ..

وناس كتلة إحساس  ..

يتفجّر  نبع محبّة  ..

يسيل تبر  ..

وين ما حلّوا..

ناس قلوبن من ماس ..

العقل عندن ..

بالذّهب ما بينقاس..

ناس كلماتن  عسل  ..

بسماتن زهرة أمل  ..

بالقلب والعين  ..

وعالرّاس بضلّوا   ..

في ناس نبع الفرح..

متل البدر  لمّا يشعّ  ..

بزيلوا اليأس من محلّوا ..  

ناس كلّن أخلاق وحنيّة..

وفا وصحبة هنيّة..

متل خصل الشّمس بهلّوا  ..

                             

جميلة مزرعاني

لبنان الجنوب 

ريحانة العرب