** بتأسفلك ياقلبي **
******
بتأسفلك ياقلبي
بتأسف ليك وليا
لما بتشوف عينيا
أحلامها بنا تضيع
بتأسف
أنا لليالي بتاسف لكل غالي
ولهمس صوتي وأنين سكوتي
ومكاني اللي أصبح
مابقاش ياقلبي يسيع
ضاقت حيطانة وانكسرت بيبانة
والباقي منه عرضه الزمن
عرضه للبيع
بتأسف ليك وليا
أيوه * يا قلبي ليك وليا *
مش بأيدي
أيوه أنا مش بأيدي
ياما سامحت وياما داريت
وكتير عديت
لكن ظروفي هيا وخوفي
غصبوني أكمل
ولا يوم سألوني
إن كنت قادر
قادره أتحمل
وجم عليا
بتأسف ليك وليا
أيوه * يا قلبي ليك وليا *
مستحيل
يكمل في عيوني
حلم تاني
مستحيل
يدق قلبي بعد ماضاعت
كل الأماني
وازاي يصحي اللي مات
أو ترجع الذكريات
ولا أقولك
مش عايزه حاجه
من اللي فات
وهبدأ من تاني يمكن القاني
ولا ده كتير عليا
بتأسف ليك وليا
أيوه * يا قلبي ليك وليا. *
كلمات / عادل النمرسي
ليست هناك تعليقات:
إرسال تعليق