ق:حقيقـــــــــــــــةٌ بَسْ مَنْسِيَّة
كَ:أَحْمَـــد عَبْد الرَّحْمَن صَالِح
✺
✺
وَكَأَنَّهَا دُنْيَا اتْرَسَمْ فِيهَــا الأَمَلْ
يَكُونْ نِهَــــــــــــــايِتُه عَزْرَائِيلْ
الطَّبْــــــعْ يِغْنِــــي عَنِ الدِّفَاعْ
فِي لَيْلْ سَــــــوَادُه صُبْحْ تِقِيلْ
أَنَا اللَّـــــــــــي حَضَّرْت الْكَفَنْ
وَبَـــــــــــدَأْت أَسْتَنَّــى الرَّحِيلْ
ضَحِكْ عَلَيَّـــــــا لِيـــــــه الأَمَلْ
وَوَهَّمْنِي بِبَقَـــــــــــاءْ مُسْتَحِيلْ
يِكُونِشْ حَـــــــــــدّ عِمِلْ عَمَلْ
يِكْسِرْنِـي وَيِـــــــــــذِلّ الأَصِيلْ
يَـا دُنْيَا عَيْب بَقَـــــــى اخْتِشِي
مَبَقَــــــــاشْ فَاضِلِي غِيرْ قَلِيلْ
خُطْـــوَة كَمَـانْ وَهَكُونْ هِنَاكْ
بَيْن صُحْبَتِي وَقَــدْرِي الْجَمِيلْ
أَنَـا اللَّـــــي رَاضِـــــــي بِقِصَّتِي
بِمْــــــــرَارْ وَحُلْـو مَفِيشْ بَدِيلْ
تِمْلِــــــي بِحْمَــــــــــــــــد رَبَّنَا
عَلَى رِزْقُـــــــــه لِلْعَبْد الْعَوِيلْ
مَكْتُوبْ يَكُــــــــــونْ لِيَّا الأَجَلْ
أَيَّـــــــــــــــامْ بِقَضِيهَـا فِي لَيْلْ
لِلَّه إِلَهِـــــــــــــــــي رَاجِعُـــونْ
بَعْـــد النِّزَاعْ فِـي صِرَاعْ طَوِيلْ
✺
كَلِمَات:أَحْمَد عَبْد الرَّحْمَن صَالِح
ليست هناك تعليقات:
إرسال تعليق