وايه تانى
وايه تانى فاضل يادنيا
غير الخنقة وشيل الهم
ويوم بيفوت من غير صوت
وتزعل ليه عديها ياعم
ده حال الدنيا مش وحدى
لا عارفين نمشيها رسمى
ولا راضية تكون ودى
وانا وحدى
اعافر فيها بالايام
واتعب واشقى واتغرب
عشان بس اعيش احلام
ومن الواقع انا بهرب
عشان واقع مرير واليم
زمن مكسور ماعدش سليم
تصلح ايه ياعم انت
مافيش احسن من شئ قديم
نعيش ونعيش هاتولنا مافيش
نجيب منين يابنى ادمين
نروح لبعيد نمد الايد
طب ادى ازاى وانا معييش
يادنيا ليه مقلول خيرك
ياكش اللى راحوا اخدوا الخير
ماتحنى بقى على طيرك
بدل مابتدى الخير للغير
تعلى فى واطى مايستاهل
ومادة ايديكى للجاهل
وابن الاصول تدوسى عليه
بكل قوتك تديه
طب اديلة شوية حب
وارضى عليه وبزيادة
كفاية حزن وكسرة قلب
ولا هاتبقى كالعادة
تعيشى تزلى فى الطيب
وفى الغلبان بتدبحى دبح
وسايبة اللص يتبرطع
وماله كل يوم بيزيد ربح
وايه تانى
كلماتى
ليست هناك تعليقات:
إرسال تعليق