دعوة فقير
ــــــــــــــــــــ
أشعار / ياسر عبد الحميد
ـــــــــــــــــــــــــــــــــــــــ
مافيش ملايكة بتنتقم
ولا كدبهم زي الفيشاوى
أصل الحمار حالف قسم
هايعيش حمار، و يموت حمار
ملايكة الميزان
بتسجل الاحسان
و الكلمه لو صادقة
تطلبلنا الغفران
و انت البعيد عاجز
شايل هموم غيرك
قوت الحياه جايز
بيراضي في ضميرك
قطر الغلا خلاك
ماشي تبص وراك
بتقول زمانا هناك ،،
دلوقت اي مصيرك
هاتروحوا فين من جهنم.
يا ولاد الكئيبة
دعوة فقير مستجابة.
ترميبليكو بمصيبة
كل اللي عاش محروم
ماقدرش أنه يعوم
مستني بس في يوم
نقف و نتحاسب
فرعون ما كانش اله
و هامان كهين خلاه
يظلم في خلق الله
، و بيعمل الواجب
تعمل حسابك ليه
و فيه اللي بيحاسب
لو مرة تدعي عليه
فضفض ولا تحاسب
و بقولها تاني انا مش نبي
لجل ما اوعظ في الخلايق
ولا كنت عالم غيب
لا كنت لحد سايق
ديتها اكون مظلوم
م القوت بقيت محروم
ماشي و انا المهموم
في طريقي مش فايق
لما الأدين تتمد
تشحت من دا العزيز
و اللي في يوم يحتد
بيكون مالوهش عزيز
و احنا اللي ياما عَطينا
بالجود و بالاحسان
نمسح دموع عنينا
و بنسأل الديان
لما الايام كانت دول
فات الزمان بزمان
صار الكبير متهان
بقي من زمان عايش
صبح قوته من البرابش
بيقرمشه زي المعيز
ـــــــــــــــــــــــــــــــــ
ليست هناك تعليقات:
إرسال تعليق