كلام ،، مغشوش
---------------------
أشعار / ياسر عبد الحميد
--------------------------
أنا العايش كلام مغشوش
خلاص مليت ما بهتمش
ووشي اللي قالولي بشوش
مع الأحزان بيتكرمش
و طول ما الناس دي بتحور
ووش الدنيا يتدور
بكون تايه مع الاحساس
و طبع الناس بيتغير
حكاية و شوفت معانيها
سنين و دموعي بداريها
و اكدب نفسي اقول غلطان
وباقي الناس بتتصور
زماني كان مصبرني
علي الحرمان بيجبرني
و كنت بشيل في هم الناس
ما شوفتش حد بيقدر
و ايه يعني ما انا راحل
ما عيشت العمر دا مراحل
و لو جسمي صبح ناحل
محال عن طبعي هاتغير
--------------------------------
ليست هناك تعليقات:
إرسال تعليق