* حبه حروف *
محتاجه
حبه حروف
بأيدي اجمعها
أجمعها من خوف
يمكن تطمني
يمكن اللاقي
الأمان
وأبعد عن الاحزان
وتشيل كتير عني
وتبعد شراع الخوف
أنا حقيقي
محتاجه حبه حروف
محتاجه أحس
أنا أبقي مين
محتاجه أحس
بنفسي فين
عايشه أنا ولا
تايهه أنا ولا
ضاعت مني السنين
خايفه أنا ولا
شايفه أنا ولا
راح النظر مالعين
بقي صعب تاني
تاني أشوف
أنا حقيقي
محتاجه حبه حروف
فين راحت الذكريات
أنا خايفه من بكره
ومن عيون الناس
سهم الكلام جارح
جوا القلوب سارح
أثر علي الإحساس
خد كل ما أتمني
ولامته هستني
تزل فيا الظروف
أنا حقيقي
محتاجه حبه حروف
كلمات. / عادل النمرسي
ليست هناك تعليقات:
إرسال تعليق