ده حلمنا (699)
............
وهنبني تاني في حلمنا
وأكون معاك
ومهما حاولوا يفرقوا
هسمع نداك
وده مين ده يقدر يبعده
ليلي فى سماك
قلبي ماليك حب وحنان
أيدي في أيديك
حاسه بأمان
وأموت وأنا في حضني لقاك
همشي على جمر القسى
وأفرش غرام صبح ومسا
وأعزف في شوق ما يتنسى
لحن لهواك
روحي بتسأل عن اللي غاب
ليه سدوا قلبه بألف باب
ده فى كل يوم يبعت عتاب
فاكر نسيته لما غاب
بعدك مرار عندي وعذاب
زاد دمع قلبي وشوقي داب
برسم في ضحكه لون عينيك
وإزاي هضمك لما أجيك
قلبي بيشكي لكل دار
وبيحكي جنه ملوها نار
ليه غيروا دقه بقرار
ولا يعرفوش جوانا صار
دم بيجري بروح وصال
لا كان بأيدنا ولا أختيار
بكره هنحصد فى اللي كان
مدفي حالنا له زمان
جوانا همس وليل حنان
داسوا على نبضه كمان
هدوا في بشاير حلم ليل
وغيروا فرحه لحزين
عاوزينا نرسم ضحك خوف
غش وخدع والناس تشوف
ده الحب إحساس
مش حروف
ولا كان في يوم
بسمه فى وشوش
هعيش على أمل إني أشوف
روحنا سوا أمان لخوف
ما الحلم جوانا إتولد
رغم الظروف
ليست هناك تعليقات:
إرسال تعليق