** ياسمين شامي إنحنى قدامك**
تحَيرت شو أكتُب إلِك أشعار
لما البَسمة شُفت عَشفافِك
دَقات قَلبي وَلعوا من النار
لما لَظَحت الشَعِر عَكتافِك
تغَندَري بالمَشي مهما صار
تا توصَلي لكُل أحلامِك
العُطُر مِنِك فاح مع إعصار
ياسمين شامي إنحنى قُدامِك
أنتِ الاميرة وسَيدة للدار
الازهار تِتأرجَح عَفُستانِك
لِخدود حَمرا بَرمِت البيكار
وعُيون صارَت تِقذف سهامك
صِبتي القَلب عِندي أنا مِحتار
كيف أتعامَل مع وصافِك
عَالصَدر شايِف بِلمعوا الازرار
وزُنار خَصرِك زيَن ثيابِك
لَو تِرحميني الزَمَن غَدار
قَلبي إستَسلَم إلك نِيالِك
..بقلمي..ياسين مصطفى بكري....
ليست هناك تعليقات:
إرسال تعليق