،،،،،،،،(صرخة عشق)،،،،،،،،،
يعني حبك كان تسالي
كنت راسمه في خيالي
كنت عشقه وعشقي عالي
عنده سيبت كبريائي
بكل صرخه واقول تعالي
لما لبستك حياتي
خدتي عمري وعيشتي ذاتي
حب عدى وحب أتي
في الحياة كنت مشالي
إختلفت مع القمر
ليل طويل كان السهر
كل نجم بي ضجر
لما قلت انت سؤالي
الشمس لمت الشعاع
يوم ماكنت انت اللي باع
رافضة يوم كلمة وداع
عارفة قلبي وإنشغالي
من غير سبب سيبتي الحياة
كل يوم ظلمك وجاه
و الغرام بقى له أساه
من ظلم كل الناس يلالي
بإيديك كفنت السعادة
من كلامهم كان إبادة
موت وكان في عينيك عادة
كنت فاكر قلبي غالي
زيى كل الناس وبعتي
خدتي قلبي وبيه خدعتي
بعتي حبي يوم شبعتي
من غرامك مات قبالي
بس وحياة اللي كان
والامان اللي مابان
والغرام في يوم وخان
واللي جرى واللي جراري
كل أيامك وهانت
كل أحلامك وخانت
كل اوهامك وكانت
قلبك البايع أناني
في أول القصة رماني
وانا المجروح زماني
م النهاردة الدمعه هتكون للي شاري
من رضاب شهده يكون لي رأسمالي
قلب يبقى طريق لدنيا راسمهالي
وانت شوفي حد تاني
تخدي منه كل شئ
عمره أو حتى الطريق
بعدها يبقى صديق
هو ينفع في المياتم الاغاني
والا' ينفع في المقابر فرح تاني
والا' ينفع بعد موت نحي الاماني
انت جانية بقلب جاني
انت معدومة المعاني
شئ كدا ومالوش أسامي
،،،،،،،،،،،(شعر)،،،،،،،،،،،
ليست هناك تعليقات:
إرسال تعليق