بقلم الفنان الشامل الاستاذ بلعباس المختار الشاعر و الزجال الغنائي و القاص و المسرحي و الملحن و المغني الطربي و الرياضي من المغرب
نَخْتَارُو أَجْوَدْ وَ نْقَى زَرِّيعَة
وَ عْلَاشْ حْتَى تَنْزَلْ دَّمْعَة
عَاد نَبْدَاوْ نْقَلْبُو عْلَى سْبَابْ
و حتى يتقاضى نور شمعة
ينوض و يكثر تقرقيب ناب
غَ طيح لبهيمة تبدى لوزيعة
و نݣولو علينا مقدر و مكتاب
دارها لحجام ريب صمعة
دغي لݣاو لينا لسؤالنا لجواب
و خرجوناز من فكارنا لميعة
على عينينا يزول لحجاب
لي حرمنا من شلى منفعة
و علينا تغلق شحال من باب
ما ز تبقى هكذا لأمة ݣاعدة
تسنى لخير ينزل منو سحاب
وا غير حنا لي قاستنا صݣعة
ولى غلطنا بزاف فلحساب
نبكيو على لطلال بكر غُدة
و على ذاك زمانو لي غاب
شلى من ز أُمَامْ كانت مبرعة
دار عليهم زمان تاريخهم ذاب
ضربهم لكحط زادتهم لمجاعة
قاومو بلعلم و بحوايج صعاب
و شوفهم ليوم صبحو روعة
دير أمتنا بحالهم وا مصاب
نتحزمو بصحيح كلنا أجماعة
دغي ندركو جميع لي هراب
بتحادنا نرجعو صولتنا ضايعة
ما نبقاوش صيد ساهل لذياب
نتصالحو مع نفوسنا بلا مدافعة
بين لخوت و الجيران و لحباب
نختارو جود و نقى زريعة
خيرت رجال و لعيالات و شباب
تولي شمسنا فسمانا. ساطعة
بجاه ربنا لكريم لعالي لوهاب
الشاعر و الزجال الغنائي و القاص
ليست هناك تعليقات:
إرسال تعليق