بوحه وحزومبل (849)
....................
الحب لا كان غصب وعافيه
ولا كان إجبار
ما بعولنا الوهم إتجرجرنا
من الدار للنار
وبعاتب روحي وبلومها
روحت لسمسار
جاه بنفسه طلب
زيد لزبيده
بتكتيك وحوار
شبه الموناليزا وصوت عالي
والطبع مرار
وعشمها تلجيم وتسيطر
هي راجل الدار
لا كافينا القدرة إستكفينا
بصوره على جدار
شنبات سي السيد ولا سيما
بان فالصو وفار
وفلانه وطقيت لها غده
وفشه وبمبار
خسيت من القهرة
وياما قالت لتهد الدار
من تحت لتحت إبر تديي
دي جالها سعار
غلك هيسود أيه تاني
لا فيه بودره تحوق وتبيض
قلب الغدار
لكي يوم تنضري في عينيكي
وتدوقي النار
مش عارف إزاي بتنامي
وسمك أمتار
إصبري على يومك هيجيلك
مسافه المشوار
إجري ورا بوحه وحزومبل
من دار دي لدار
خليكي على وضع إتبطيتي
ما خاصمنا الجار
الفرحه الجايه هننساكي
بقصد وإصرار
بقلم .. صبري رسلان
ليست هناك تعليقات:
إرسال تعليق