شكل الخارطه (850)
.................
شد غرورك نام وإتغطا
خدت اللقطه وكله تمام
بطل تحلم مافيهاش رده
خليك عايش فى الأوهام
تطحن كدب وحزمة ورطه
غل وحقد وبالأرقام
غلطه فى غلطه وكره بشطه
يكفينا شر قلوب أشرار
عاوزه الناس دي تماللي فى ورطه
وهي بتضحك في الكتمان
ليه بتداري وناقصك شارطه
وتاخد الألفه في التوهان
أصلب طولك عيب كده يا أسطى
ده أنت الراجل ليه نسيان
سوسه بتقلب شكل الخارطه
وإنت يا دوب برواز في مكان
تصحى مبلم ولا تتكلم
إلا بإذن وممضي كمان
فكر نفسك آخر البطره
ورم العض وضرب زمان
إنسى يجيلك يوم تتعلم
نخر السوس والمستور بان
ومفيش داعي تقفل بابك
مع كدابه الزفه أمان
هي يادوب ملهاش غير
طبله ولسان حيه
وجوز لودان
بقلم .. صبري رسلان
ليست هناك تعليقات:
إرسال تعليق