* قولتهالك *
*****
قولتهالك
أكتر من مرة
قربني ليك
قولتهالك وقبل مني
قالتها عينيا لعينيك
قولتهالك
ما أعرفشي إن كنت
سمعتني ولا
ما سمعتنيش
ولا جايز ويمكن أكيد
إنك تكون
ما فهمتنيش
وإن يمكن أكون أنا
مش في بالك
عموماً أنا
* أسفه إني قولتهالك *
قولتلهالك
وإنت ترجمت الكلام
علي إنه وهم
أو إنه حلم في منام
وإن ماليش حق في مشاعري
ولا ليا حق الاختيار
وإن كان علي قربي ولا بعدي
إنت اللي تاخد فية القرار
أما أنا مفروض حدودي
جوا ساحة الإنتظار
أسمع وأطيع
كأني طفل طفل رضيع
مايفرقش عندك زعلها
ولا أساساً هيا في بالك
عموماً أنا
* أسفه إني قولتهالك *
مش غلطتك
دي غلطتي لوحدي أنا
مش غلطتك
دي غلطة صبر كام سنة
كملت فيها وعيشتها
وحاولت أزرع
بستان أمان علي أرضها
وللأسف
ما حصدتش غير مرها
وده اللي صحي صوت
صوت سكوتي
لأني رافضه تهديد
تهديد بموتي
ومستحيل أفضل لثانية
وأنا في إنتظارك
والدليل
إن أنا أكتر من مرة
أنا قولتهالك
* أسفه إني قولتهالك *
كلمات. /عادل النمرسي
ليست هناك تعليقات:
إرسال تعليق