خطيب خطيبتي (842)
....................
خطيب خطيبتي ده مش محظوظ
دخل لعيله ضحكها بفلوس
ناسيب مرار الله يعينه
ناسيب حما إستغفر ونعوذ
بيداري تحت النظارة
جبروت حماته وجوز مهزوز
من بصه واحده تهد الدار
ويا عيني زوج بارد مش حار
خيال مآته وعارفينه
إن حل تربط ميه مسمار
ما قدرتش أصبر قوم هجيت
ولا سيبت حالي لثعابينه
عايزه اللي يدخل لبناتها
مقطوع لا له ولا نار ولا زيت
ولا أم ولا أب ولا إخوات
ينفض هدومه على بابها
وتغرقه في بحور أزمات
هتشيل هموم ملهاش آخر
وفى كل قاعده بتتنازل
إسمع نصيحتي
أنا دوقت وشوفت
خليك جرئ ما تقولش أنا خوفت
وإنفد بجلدك وإعمل سوفت
ودموعها حاضره وحافظينها هيرجعوك
تندم ع البخت
بقلم .. صبري رسلان
ليست هناك تعليقات:
إرسال تعليق