الزين للزين (844)
...............
أنا واحده كيوت نسمه وضحكه
ولا زايي إتنين
لا أعرف أيه غم قوطع سيرته
ولا حزن وويل
وده جوزي حبيبي بيمدحني
دي الروح والعين
بيمشي أموره آه منه
عرفاه بوشين
سقياه الشهد يكدبني
والزين للزين
فوله وإتقسميت على عودها
قطاقيط لإتنين
أيه يعني تعصبني الغيرة
وضوافري إنقرضت من الحيرة
وفى حالي لا بيا ولا عليا
بيقولوا نكديه ودي حزينه
أحيانا بنكش فى النايمه
وأطق شرار
وأقلب له الحاجب مقموصه
وألبس أوهامي المخصوصه
وبعيش على نغمه مظلومه وبولع نار
حواليا حبايبي اللي تطبل تعزف مزمار
خلوني إتحنيت بدراما
وأمثل أدوار بهتانه إخراج وحوار
كارهيني إزاي أنا مش عارفه
ولا ساترة في دار
ناكره الأفضال دافنه جمايل
حساها مرار
واللي ما هيجيلي بطوع ورده
أشواكي إختار
عذرك يا غراب وإنتي يا بومه
كان منه وطار
لملمتوا الليل قبل آوانه
ما سترش الدار
بقلم .. صبري رسلان
ليست هناك تعليقات:
إرسال تعليق