**(( من تراثنا ** على دلعونا ))**
نادَت عَليّ حُلوة هالصورة
صارَت تِدَلَع مِثل العُصفورة
غَمزَتني مَرة وقالَت مَجبورة
بَدها تناديني نِدبِك دَلعونا
***
نِزلَت مَعايي تِكسي من عَكا
الله عَليها قَلبها بِتلَوى
راحَت معايي لَعِند الكَوى
تكوي التنورة بتنعشر لونا
***
الله عَليكي يا بِنت حَوا
قَلبِك موَلِع قَلبي شو سوا
فُتي لَقَلبي وسَكَنتي جُوى
وصايِر يغَرِد طير الحَسونا
***
نِزلَت عالدَبكة مِسكَت بإيدي
الله عَليها دَخلَت وَريدي
عالبدر نورك عم بزيدي
وحَبات عُيونها زَهر الليمونا
***
قالَت بَحِبه حَبيبي الاسمَر
وقَلبه من جوى دافي ومعَطَر
جاي لَعِنا المُغرِب تا يِسهَر
ولَظَحني امشي على البَلكونا
***
..بقلمي..ياسين مصطفى بكري.....
ليست هناك تعليقات:
إرسال تعليق