حالة عشق (843)
.............
ونسيت جواك قلبي ما خدته
بشويش ردولي
وإن عيني سأليتني عليك هنكر
ولا أقول بعتوني
ما سمحت كتير ودريت وجعي
ولا حسيت ليلي
مشتاقه لحضن أشكي له حالي
وأنا كلي جروح
أخلصت لقلب قسى عليا
عايشني فى خوف
خد مني الشهد وثوب سعده
يفرح وأعاني
كل اللي إتغير كده فيا
يوم شوفته أناني
الغيره بتنبيش جوايا
ما لقيتليش روح
ورسمت في قلبين على شجره
دبليت من النوح
حتى الأحلام بيني وبينه
طفيتها دموع
والصبر يومين هج وسابني
في طريق مقطوع
كدبت عينيه على خيانته
ورضيت بمراره
وغسلت في ليل طعم فراقه
ورجعت لداره
أيوه أنا ريداه غصب عني
ده العشق وحاله
بقلم .. صبري رسلان
ليست هناك تعليقات:
إرسال تعليق