ماليش نايب
ـــــــــــــــــــــــــــــ
اشعار / ياسر عبد الحميد
ـــــــــــــــــــــــــــــــــــــــ
خمنت و عارف تخمينهم
و نسيت احلامي في تراتيلهم
مشيت و انا عارف مش راجع
وانا كنت حاببها تيجي منهم
ياما كنت بأرسم في الملامح شكلهم
و انحت بإيدي خطوط عريضه لحبهم
و كنت بتحمل قساوة جهلهم
رويت في زرعي سنين ولا شوفتهوش
حتي الوشوش طلعتش فارق عندهم
وحيد الذكري في الملكوت
و بتحمل آلام في سكوت
و شارب من كيعاني كتير
و حزني سر مرمي في بير
و جوايا الألم مربوط
ماليش نايب بين القسمة
و يستغرب و اقول قسمة
و بتجمل بكام بسمة
و اقول عادي الكلام مغلوط
كسرت الدفة بالهمة في دا الموال
و شوفت الجهل له عمة و عباية و شال
مشيت و قولت بالذمة دا حالكم حال
لاقيت اللي مالوش لازمة يقول مظبوط
ـــــــــــــــــــــــــــــــــــــــــــــــــــــــ
ليست هناك تعليقات:
إرسال تعليق