حكايه جواز (344)
...............
ليه وصلنا للكلام ده
للمكابره والمعانده
يوم و يوم نظبط ميعادنا
صوتنا واصل لأعلى مادنه
ع الخصام متعودين
فينها تاهت روح ورقه
وفى كسوفها تقول دي لأ
بونبونايه وعقل غير
يوم ما تنطق عاوزه زقه
يا مسهل يا معين
الظروف عليا ضاغطه
والجواز عن جد وارطه
والمدام مش حتى صابره
زاد دوامي مرتين
العيال عاوزين وعايزه
وفى شقايا بلاها جايزه
شايله هم بيت وعيله
لا حاسه شكر ولا جميله
والفندي زادني حيره
كل يوم ساعتين كتيره
ليه يغيبهم راح ده فين
والسلام ما بقاش يقوله
واللقا مش قادره أطوله
شهر أشوفه مرتين
مره بعد ومره غيره
حاسه جاريه له أسيره
نفس أسمع كلمتين
كل مره أرجع وأصالح
والشكاوي هي هي
إداني ظهره له سنيين
واحده تانيه في حياته
مش طايق كلمه لحماته
تقول واخدني حق دين
العيال وفى أيدي شنطه
عند ماما ما قاللي فين
ليه ما جاني ولا عبر
لازم أرجع شاكله غير
الكالون أبو سكتين
ده ما صدق نام وبرطح
في المكان وغمض له عين
الحكايه فى العقول
إما نعمه وإما نقمه
راضيه طارده شيطان يجيها
وألف لأ للظنون
شيلي رجلك جوا عين
بقلم .. صبري رسلان
ليست هناك تعليقات:
إرسال تعليق