................ ( مصر الحياة )..............
لسه عاشق كل حاجة وأي حاجة فوق ترابك
لسه عشقي لكل حاجه فوق سماك أرض كانت أو سحابك
لسه عاشقك وف حياتي أعمل حسابك
مهما لفيت مهما روحت ومهما جيت
مش بحس غير حنانك.
وان سمعت صعب أسمع غير كلامك
في العينين شايف مدينتك
بالودان وقت الصلاة أسمع آذانك
لو بعدت لحظة عنك يجي طيفك
رغم عني والتقيني بتوضى بلعابك
قبل ماتنادي ألبي روحي تركب نبض قلبي
وألقى في عروقي دربي مهما كنت ومهما داربي
ألعن الوقت اللي سابك
مهما قالوا وعادوا عنك كدابين ماعاشوش في دمك ... أو في مرة الشوق أخدهم حد يمك
أو مشالهم مرة همك وبدموع يحكي ف عذابك
حتى وقت تزعليني تضغطي أو تتعبيني
تبعدي قاصده تسيبيني بتلاقيني
نبته طرحت من حنيني والحنان سابق عتابك
مش بحس بغير هواك نسمة تطرح. ع الخدود
في الليالي علاج لدائي والنجوم تبعت ردود
والقمر ساعة التلاقي بين ضلوعي يكون ودود
والندى ع الأرض نازل ف الفجاري لجل بوسة م الورود
والتراب يجري ويحضن في الجلود ويعيد شبابك ..
لسه جزري صلب في الأرض العفية
جدي لسه بيحكي حكاياته القوية
ع اللي خانك واللي هانك واللي حافظ يوم مكانك واللي شايفك يوم هدية
واللي دمه هان عشانك واللي شايفك دوم ضحية
لسه نيلك يروي في الروح الشراقي
لسه ليلك تجري فيه كل السواقي
والنجوم جنب القمر حلمها بس التلاقي
لسه شمسك تيجي صابحه ع البيوت تعطي العدية
لسة دينك أرض تطرح في القلوب
فلاحينك نبتة صابحة في الشعوب
لسة فجرك سهم سارح في الدروب
لسه أرضك كل يوم تدي العطية
انت غير الكون ياحلوه والتاريخ شايفك قوية
بين شفايفي ليك غنوة تترسم بحروف ندية
الحقيقة تبقى انت والحبيبة هي إنت
حتى حبك عندي غية زي كل المصراوية
إتولدتي وشوفنا بعدك العصور والزمن بقى بالفصول والرسل عندك تزور
واتجلى ربك ع الجبل .. موسى نداه
كان بيحلم لو رآه لكن هزت الجبل خليته تاه
يعني اتولدتي قبل التاريخ وكتبت بإيديك الحياة
م السما إسمك بليغ والحماية م. الإله
في رباط واضح صريح مهما كان الغدر جاه
في القلوب الدين فصيح كل يوم يبلغ مداه
جندها ديما يكبر لجل دينه يموت فداه
مستحيل حد يهينة مهما كان أو معاه
مصر عايشة في نن عينة في القلوب مصر الحياة
...................( شعر ).................
ليست هناك تعليقات:
إرسال تعليق