— قِسْمَتِي —
تِدَلَّلْ يِلْ بالگلبْ إِلَكْ رَنَّه
تِدَلَّلْ
وعُيُونِي أَعَلِّگَهَا إِلَكْ شَمْعَه
تِدَلَّلْ
وَاشْمَا تِسَوِّي بِيَّ
وِدَاعَتَكْ أَرْضَى
الرُّوحُ وَالجَسَدْ لِعُيُونَكْ
تِرُوحْلَكْ فِدْوَه
وَاشْمَا تِحْجِي عَلَيَّ صِدِگْ
مَا أَزْعَلْ وِدَاعَتَكْ أَرْضَى
لَوْنَكْ دَمْ بِشَرَايِينِي يِجْرِي
وَجُرُوحِي
مِنْ لَمْسَةْ إِيدَكْ تِبْرَه
يِلْ وَجْهَكْ
إِشْرَاقَةْ شَمْس وَبِسْمَتَكْ
نُورْ گَمَرَه يِلْ كِلَّكْ حَنَان
وَعِشْرَتِي وِيَّاكْ نَبْعْ صَافِي چِنَّه
وَحَچِيَكْ العَذْب مِنَّه أَرْوَى
يَا بُسْتَانْ عُمْرِي مِيَّه وَنَخْلَه
يَا جَفْنَاتْ العِنَب
شَرَابْ رُوحِي وَعُمْرَه
تِطْرِي عُيُونِي شُوفْتَكْ
لَوْنَكْ لِلْگَلْبْ وَلِلرُّوحْ سِلْوَه
آخِذْ عُمْرِي كِلَّه إِلَكْ
بَسْ لَا تِزْعَلْ حَبِيبِي
أَحْلِفَكْ بِكِلْمَنْ عِنْدَهْ جَاه
بِقِسْمَتِي وِيَّاكْ تِرْضَى
سعدي النعيمي
ليست هناك تعليقات:
إرسال تعليق