بالونة ،، صبر
---------------#
اشعار / ياسر عبد الحميد
ـــــــــــــــــــــــــــــــــــــــــ
يا اللي معاك دابت حبال الصبر منك
حتي الشِباك انقطعت من كتر صبرك
اكم من الناس يسألو ايه اللي جابرك
وقولت صبري اتحمله لكن ما أنساش
ياما صبرنا و صبرنا منحاش
و قت العوزة نمد ايدينا وما بنلقاش
لو فاض بينا يحن علينا و نستناه
مخزون طيب ساكن فينا اتباع ببلاش
و مهما نقول الآه نتحمل ،، قولنا نكمل
اصل الصبر فوايده كتير
زي الميه الحلوه في بير
بيهدينا و بيهدينا وما يسيبناش
اتعلمنا معاه نتأني ،،
و اتمنينا ننول في املنا
عمرناما ،،اتغير احوالنا ،،
و اللي يبعنا دا ما بيسواش
و صبرنا في زمن معيوب
جابوا سيريتنا
ناس بتعبي سواد في قلوب
قولنا قدرنا و دا ،، المكتوب
راحة بالنا جات في خيالنا
بس عزولنا ما يتوصاش
و صبرنا و علمنا عيالنا
بس علمنا ما كانش يصيب
عابو علينا و بقا ده حالنا
اخدوا النُصح من اللي غريب
اتارينا نفخنا في بالونه
و مقدر في الوش تفرقع
لعبه دنيا كانت مجنونه
و معانا ما كانتش ،، تصيب
ــــــــــــــــــــــــــــــــــــــــــــــــــــــــــــ
ليست هناك تعليقات:
إرسال تعليق