****(( الكَرِم ناضِج ))****
يا غالية يا مرَتَبة بحَدي
شو هالجَمال الي وِصِل عِندي
النور مِنِك سَطَع عالياسمين
حَسيت بِنعومة على خَدي
شو هالجمال ال زغزغ العَينين
مِثل الحورية طايرة هَدي
الجوري شُفته ملَوِن الخَدين
ولِشفاف حَمرا الجَنة بتوَدي
منين طَليتي عَلينا منين
متَشكلة الالوان من وردي
بالعُمُر شُفتِك واصلة الستين
عَم تِكسَبيني وتِكسَبي وُدي
طلِعنا سوا تَنشوف كَرم التين
والدَعوة مِني تيجي تِتغَدي
وكَرم العِنِب ناضِج قَبِل تِشرين
الكَرم ناضج والحَلا بَدي
هاي العُلاقة دايمة من سنين
منِبني العُلاقة بِشَكل جَدي
كُل يوم بِتقولي صَباح الخير
وباب الهوى عَن غيري بِتسِدي
..بقلمي..ياسبن مصطفى بكري..
ليست هناك تعليقات:
إرسال تعليق