نظرة و نظرة (322)
..................
لمحه نظره فأبتسامه
والعيون بتقول في يامه
نار وقايده من الغرام
طفي طفي مني قرب
قلبي قاللي أروح أجرب
وإبتدينا بالكلام
والكلام في شباكه يرسم
سكه سالكه ولا عوجه
أهي عالقه والسلام
تمضي تبصم شيك وكايش
لأجل تبقى لك مدام
سكه عوجه تروح في دوكه
والتحرش صفحه سوده
تمشي ضهرك للأمام
لمحه نظره فأبتسامه
حط لي ولا ميه علامه
ألف لأ فدان ندامه
وفينه عقلي من زمان
علقه علقه بالحلال
ليا بيت وفيه مدام
كل شهر وأنت طيب
ع الحديده بدون كلام
تطفي نار العزوبيه
بميه حريقه للمدام
كان رومانسي كان هديه
كاسره ضهره بالعيال
مره جالها في أيده ورده
نظرة واحده إتخض نام
إستقامه بدون دسامه
والغرام رچيمه بان
بقلم .. صبري رسلان
ليست هناك تعليقات:
إرسال تعليق