عمه مبروك ( 244 )
...............
مش عمه يا ناس
ولا تشبهها
قالوا عمه ونص
دفنوها وحوطوا حوليها
بجريد بقى خوص
صدقوا كدبتهم راحوا شاعوا
مبروك في الخوص
وليلاتي يهل ببركاته
من الخير ويرص
فيه عوبط كتير ياما بتصدق
أكتر من الرز
وصاحبنا ما صدق مين
قده في الكدب يرص
عملولهم ناصبه وشغلانه ومقام سيدي خوص
أصلها دي قماشه ولفوها
في كيس غله ورز
راحوا شاعوا دي عمه سيدنا
بتطير في الخوص
مخفيه ما حدش لا يشوفها
تعمي اللي يبص
عديت في شهور
كلب نبشها
من قلب الخوص
قربت الناس فاتحه عيونها
لتشوف وتبص
قدامهم عمه سيدنا
دي قماشه ونص
هللوا زغرتوا بركاته حلت
طار بره الخوص
باللذمه بأيه هيفيد
يعني
ما الجهل إترص
وعقول بتأكد وتصدق
بركات سيدي خوص
بقلم .. صبري رسلان
ليست هناك تعليقات:
إرسال تعليق