( كانت زمان )
كانت زمان الأيام الحلوة
اللي: إنكتب عليها مش ممكن تعود
كانت زمان البسمة البريئة
اللي: من غير صناعة ولا حدود
كانت أيام ماكنا صغيرين
مابنشوفش غير الغريب بيعود
كنا عايشين شايل همنا
الأب ويا الأم والخير كتير موجود
كنا ماشيين لاعارفين جمايل
ولا سلف ولا فلوس لازم تسود
دلوقت مهما الواحد بيحاول
يرجع بسمة زمان مايقدرش
مع إن البسمة من:
الشفايف والشفايف آهي في: الوش
مهما قلت نكت العالم كله
لا إنت بتضحك و لا تضحكش
دلوقت كل الوشوش بقت
وش واحد والوش الواحد مايريحش
ربنا خلق البشر
كل واحدفيهم له طبيعة ووش ولون
مهما تتساوى كل الحروف
لازم تلقى الإختلاف في اللام والنون
سبحانه اللي خلق كل
واحد فينا وصور الصورة جوه عيون
كل واحد بيشوفها
لكن وجهة النظر ليها مية مضمون
وعجبي
حربي علي
شاعرالسويس
ليست هناك تعليقات:
إرسال تعليق