زمن،، أيوب
*********
اشعار / ياسر عبد الحميد
_________________
زمان انا كنت متعافي
اجيلكم حتي لو حافي
و اطبطب فيكو و ادادي
و بودادي بكون كافي
زمان الحج كان ليكم
و بسعي ف كل اراضيكم
و ارمي الجمرة للي يخون
و اكون مفتون و اراضيكم
زمان ابويا جابنا كتار
كانت عزوة في قلب الدار
و ضحكتنا في لمتنا بتسعدنا
و في الاخر بقينا كبار
كبرنا و قولنا ليه كبرنا
بقينا وشوش لناس غيرنا
تناسينا، نسينا زمان و احوالنا
و قولنا نكمل المشوار
اتارينا ما حسيناش بفرقتنا
اتاري الحب
كان احساس مفتتنا
اتاري الغربة قتالة،
و اه منك يا غربتنا
بعدنا كتير عن الاخوات
و جرمنا حقوق الجار
وصلنا لفين،،
و ليه اصل الكلام مكتوب
وصلنا لفين،،
و انا و انت، مالينا عيوب
وصلنا لفين،،
و اخويا و اخوك بقا معيوب
و احوالنا بقت فكرة،،
كانت نَكرة ف زمن ايوب
يا ريت بالعقل نتحكم،، عشان نختار
____________________
ليست هناك تعليقات:
إرسال تعليق