باركيلي وصوتي
ناجح ثانوي وجايب خمسين
سامحيني يامه ابنك خد عين
كل دروسي ياغاليه حاضرها
وكمان والله فاكرها
حتي أسألي غاده و نسرين
كل الطلبه جنب الباب
وانا والبنات ورا مركزين
كل كلام المستر كاتبينه
لكن جايز في الشرح مش
سامعينه
او جايز مش فاهمينه
هقولك ايه ماهو سنتر
واللي يروحه لازم يتغندر
مش مصدقاني اسالي المستر
ابو بدله شياكه ماشي يتمنظر
مع اني عنده كنت الأشطر
رهوان زي المهر
في دفع الشهر
مع اني كنت عليه بستكتر
بس اللي يغيظ الساكته هناء
عامله بليده وتجيب تسعين
وغاده عدت سبعين
ونسرين الهبله خمسة وتمانين
حتي شيرين الصايعه جابت
طب
وانا فاكر انها ساقطة في الحب
وانا بس أجيب خمسين
طب دول هيودوني على فين
معلش ياغاليه هعيد السنه
وهغير المستر
و هسيب نسرين واقعد جنب
نيفين
دا مش مجموعي
يامه صدقي دموعي
مستواي معدي الخمسين
اضحكي يامه اصلي حزين
لازم مجموعي عن كدا يكبر
وهشوف لدروسي احسن مستر
واكيد فيه الاذكى والأشطر.
انا بعد ما اخلص بابجي
هبدء دروسي بدري
هو صحيح يامه
هي الايام بدأت تجري
ابصر ايه والله مدري
ليست هناك تعليقات:
إرسال تعليق