غُربة
ـــــــــــ
أشعار / ياسر عبد الحميد
ــــــــــــــــــــــــــــــــــــــــ
ماشي في غربة و الوجع
بقا حتة ،، مني
و ادي دمع عيني بينفطر
بآهات اغني
صنف الخسيس من البشر
عاند معايا
انا كنت أية و مهما اقول
كان غصب عني
ماشي و معايا ف قصتي
مواويل و ياما
احزان تكمل وحدتي
سابت علامه
مفرود علي سطح الألم
ما يقولش ياني
حتي الاماني ما لقيتش فيها
بر السلامه
مسكينة يا قلوب البشر
دايما تخبي
بتخاف من الموت و القدر
و المستخبي
و انا ماشي تايه يرتجف
و بناجي ربي
كملتي وجعك فيا ليه
و انا فيه بخبي
ـــــــــــــــــــــــــــــــــــــــ
ليست هناك تعليقات:
إرسال تعليق