#قصيدتي ( كنت الغالي )
أنا كنت الغالي
وكنت زمانك
وكلام الشعر
دا كله عشانك
كنت عايشلك
كل زماني
كنت الحب
وكنت غرامي
كنت تملي
بين أحضاني
اغني الغنوه
وفيها معاني
حب وحيره
هجر وغيره
تزعل مني
أقول اه ياني
تسأل عني
أقول وحشاني
تبعد عني
واجيبك تاني
ما انا كنت الغالي
وكنت زمانك
وكلام الشعر
دا كله عشانك
خليك ويايا
ودوب في هوايا
تعالي معايا
نقول من تاني
زماني في حبك
كله شموع
زمانك عندي
فرح ودموع
ليالي قضيتها
سعيد متهني
اروم الشعر
واحلي واغني
وليالي تشوفني
تقول موجوع
يواسيني البدر
يقيدلي شموع
نجوم تهمسلي
بصوت مسموع
اوعي تسيبه
دا دايب فيك
هو بيتقل
بس شاريك
روحله وحايله
وشاغل فيه
كلم قلبه
ولاغي عينيه
ريحني يا غالي
وقولي شاريك
قلبي يقولك
دايب فيك
#انتهت من فضل الله تعالى قصيدتي ( كنت الغالي ) ونؤكد على أن جميع حقوقنا محفوظة وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق