** فرق السنين **
*****
ليه بنا تاهت كتير
حاجات
ليه بنا دأبت خيوط
الذكريات
ليه و ليه وألف ليه
بقينا ليه محتاجين
لحد تالت
حد يعدل المركبه
لو بينا مالت
سؤالنا ده. مين
هيجاوب عليه
إنت ولا أنا
* ولا فرق السنين *
طب إيه وليه وازاي
رضينا
إزاي قلوبنا سلمت وليه
أيدينا
غمت عينينا
عن اسئله يمكن قلوبنا
عنا داريتها
وفجأة لقيتها
لما حسينا الفروق
والسنين صممت لازم
لازم ندوق
مرها
* وعطش الحنين *
أكيد غصب عنا ما حاسيناش
أكيد غصب عنا ما حاسبنهاش
ومشينا ويا الموج
والمركبه مالت
وغرقنا في بحر الخوف
وكان صعب العين تشوف
ع الشط دموع باتت
من حزنها علي أحلام ماتت
وبتنعي حظها
من بعد ما داقت عطش الحنين
وكان السبب
هو
* فرق السنين *
كلمات. / عادل النمرسي
ليست هناك تعليقات:
إرسال تعليق