كعب عالي
ـــــــــــــــــ
أشعار / ياسر عبد الحميد
ــــــــــــــــــــــــــــــــــــــــــ
مصالح و طايحة في كل اتجاه
و اخينا بقاله ،، سلطان و جاه
كعب الظلومة دا ، واصل لروما
و كل الرعايا بتطلب نجاه
فساد المعاني دا كان كعب عالي
و فيه الاغاني تفرفش تلالي
و كل الاماني اللي قالها سراب
و مهما نهاتي و نخبط ألف باب
في رد و جواب سابونا نعاني
مصالح تسبب في طرد الخلايق
و بنلم قوتنا مافيش حد فايق
و كسر النفوس بقا ميت كابوس
نبات فيه و نصحا و هو اللي سايق
في كدب القبايل مزغلل عنينا
و كل الجمايل فرضها علينا
في سُنة حياتنا ينتمي موتنا
و فارض سكوتنا عشان انتهينا
زمانك يا اخينا دا فاق الحدود
بتيجي علينا و ترمي الوعود
ماهو احنا الحليم اللي فينا مخربش
ما حدش ناسينا في وقت الصمود
ــــــــــــــــــــــــــــــــــــــــــــــــــــــ
ليست هناك تعليقات:
إرسال تعليق