***(( ضفاف القلب ))***
الروح مع ضفة أنا هديتك
يا ريت قلبك يوم تهديني
خليت ضفة حتى اندهلك
تيجي لعندي تا تواسيني
حبيت روحك كيف أثبِتلِك
بالابتِسامة عم تسعديني
بشريان قلبي أنا دخلتك
راقي مزاجك وُد وُديني
من سنين شفتك لَما قبلتك
قُبلة على شفافِك عَطَيتيني
حبيت جيرانك أنا وأهلك
بعيونك الحلوة سحرتيني
عالنيل إمشيتي على مهلك
وعاشط عكا انتِ شفتيني
عشِقت روحك أنا مشتقلك
رشيتك بعطري ورشيني
قلبي وضفافه انا بقدملك
هدية لكل العمر يا عيني
كُل يوم بَتحَمم أنا بعُطرِك
وبالمِسك والعَنبَر تُفُركيني
تحَممي بعُطري على مَهلِك
بحِنية مِنِك عَم تُغَمريني
شَعرِك تمايَل شو حُلو شَعرِك
وقت البَرِد دَيما أحُضنيني
الغَمزة مِني شَغَلَت فِكرِك
صُرتي بِنار الهوى تِكويني
مشيتي مَعي للكَرِم لَوَحدِك
العُنقود ناضِج عَم تِسِكريني
حسيت إني غرِقت في بَحرِك
يا ريت هالمَرة تِنِقذيني
...بقلمي...ياسين مصطفى بكري...
ليست هناك تعليقات:
إرسال تعليق