الدنيه وحالها
======
الدنيه أرذلت والوقت جار اعماها
ومرار بالحنضل تعكر ماها
الدنية خلت
وليام بالعلقم علينا ولت
والقلوب من كثر الكساد أعتلت
من الكدر والتغشيش جور داها
الدنية أرذلت واخيابات
والقلوب من كثر المواجع ذابت
والروس من كثر الغشايش شابت
كل من شكيتله شكاء من داها
والافكار معادش اعمانا غابت
من العكس معادش على معناها
بدت غدارة
بعد الحلاوة ترتجع بمرارة
تزهيك وتسلط عليك الغارة
بعد الزهاء ترجع على مولاها
ترقيك للعالي فراس القارة
وترميك لو توصل في راس سماها
لا راحلة لا قامت
لاراقدة لا فايقة لا نامت
لا ياكله لا شاربه لا حامت
سبحان مولانا الكريم نشاها
موحال قالولك لواحد دامت
بالخير والا الغير ما تراها
زخيم بحرها فيه المراكب عامت
الي الان ما وقفوا على مرساها
====
أحميد خليفه الشاطر
تحياتي من ليبيا ٠🇱🇾
ليست هناك تعليقات:
إرسال تعليق