السعادة الحقيقية (821)
....................
ومعاكي يا دنيا منين ما تودي
وفين ما تروحي
مبقيتش بدقق ولا
بحسب لك
وجعي جروحي
حبساني في قمقم
فيه أنا عايش من غير روح
متلكفيت منك جوا الصبر
بداري شروخ
وده إمتى تحني بحبه حظ
وأجفف نوحي
لسنين لا شاكيت لك
ولا بتكلم دافنه طموحي
وده إمتى أشوفك راضيه عليا
وأبني سطوحي
إحترت معاكي وفرحي عزاكي
وعدي جروحي
نظرك شيش بيش والحس مفيش
متفارقي وروحى
وهغمض عيني وكلبيشي غيري
ولفي ودوري
مستكفي مرار والبعد فرار
ما يغرك طولي
ده أنا عود وإتبرا
من الهم إتحنى
سنداني حروفي
لا فيه فايده بقربك ياما
نافقنا تعلي سدود
روحي لمي آذاكي وسم
غرورك للموعود
حواراتها حكايه وزهدها آيه
لروح ووجود
حظه ومن بخته تنساه الدنيا
يكون مسعود
بقلم .. صبري رسلان
ليست هناك تعليقات:
إرسال تعليق