** أيوه أنا **
****
مش معني وجودي
في نفس المكان اللي إنت فيه
قصداها أنا
مش أنا اللي أخطي
علي ضلي واعدي
وابص لورا
ولا أحب أشوف ولا أسمع
أنا عمري ما أرجع لماضي يوجع
عدا عليه كام سنه
** لا مش أنا **
لو لسه في من اللي كان
جواك وأنت باقي عليه
لو لسه في جواك مكان
شوف غيري يبقي هو
أولا بيه
** مش أنا **
إن كنت لسه للماضي شاري
لأ عيد حسابك
باين عليك ماشافتش عينيك
إن بأيدي قافلت بابك
خلاص
خرجني من بين سطورك
واشطب عنوان كتابك
يمكن ترضي غرورك
دي نصيحه مني عشانك
لكن أنا هفضل أنا
لو عدي مليون سنه
** أيوه أنا **
ودعت كل حاجه كانت
بينك وبيني
واشتريت الهدوء
اشتريت راحتي ونفسي
وبدأت اكتب تاني اسمي
وعرفت ادوق
طعم الحياة واتنفس
عطر الورود
ولا قيود
وباختصار
عايشه في هنا
** أيوه أنا **
كلمات / عادل النمرسي
ليست هناك تعليقات:
إرسال تعليق