من الاساطير
ــــــــــــــــــــــــــ
أشعار / ياسر عبد الحميد
ــــــــــــــــــــــــــــــــــــــــــ
كُتُبنا في التاريخ دابت
و كمكمها العفن و الزيف
علي رفوف الزمن شابت
و أقلامهم بقت ع الكيف
بيحكو تاريخ عن الاساطير
و سايبين الحمام بيطير
عروبة و مجد ماله مثيل
اتاري تاريخكو كان تمثيل
و شرح طويل بيخدعنا
مافيش اوطان بتجمعنا
و صدق الكلمه ودعنا
لاقينا كلام مالوش معني
و صاحب الكلمه كان كداب
بيملا كاساته بدموعنا
جحافل ماشية بالقبقاب
و بيساعدو اللي يهدمهم
بحور النفط للاغراب
و فوق الدفن ألف غراب
بقت صواريخ بتقتلهم
بتتسابقو بخيل رماح
و تتساجلو علي الألواح
و اكبر عجل كان نطاح
ما جابش السيرة عن غزة
كأن الأسرى نبت سفاح
ضميركم فين يا أُمتنا
عروبتنا صايبها العار
مافيش غِيرة لنخوتنا
و سيبتو الحبل للكفار
دا كان فينا صلاح الدين
و كان منا تَقي و أمين
و كنا اسود بقلب جسور
هزمنا تتار بسيف مغوار
عشان نرفع رايات الدين ــــــــــــــــــــــــــــــــــــــ
ليست هناك تعليقات:
إرسال تعليق