حكاية طفل
ـــــــــــــــــــــــــ
اشعار / ياسر عبد الحميد
ــــــــــــــــــــــــــــــــــــــ'
ما بين العصر و المغرب
و قبل الشمس ما تغرب
علي السطح اللي جار بيتنا
لقيت طفلين و ماسكين خيط
ببص هناك ،، في لمحة لقيت
طيارتين بيتسابقوا في قلب الريح
في قلب سحاب ما بين تباريح
و سرب حمام طاير بينهم
يسابقهم يلاحقهم
كأنها لوحة من الشخابيط
فسبحان الذي أعطي
لكل الخلق تفسيرا
و سبحان الذي انعم
علي الإنسان تدبيرا
لك الملكوت يا ربِ
لك الاحسان و النعمِ
انا العبد الفقير اليك
من المهدِ الي الهِرمِ
و لقيتني بشوفني و انا صغير
بجمع مصروفي اللي بيكبر
و الفكر معايا بيتطور
برسم و اهندس و أتصور
لجل ما أجمع طيارة ورق
. ـــــــــــــــــــــــــــــــــ
ليست هناك تعليقات:
إرسال تعليق