بشعر العامية المصرية
(( احنا حماة الأرض ))
احنا اصحاب الارض
احنا حُماة العرض
وقت السفر بنبان
وقت الخطر شجعان
واللي يفكر يهاجمنا
مالوش في الدنيا مكان
*******. *******
الحرب دايره حوالينا
وخطرها بيقرب لينا
بس احنا مش نايمه عنينا
وسلاحنا دايما في ايدينا
*******. *******
مصر العظيمه مش ساكته
وشايفه الحرب بعيونها
وتورامب متورط ورطه
غرّق بلاده في ديونها
********. ********
كان فاكر ان إيران سهله
وبضربه واحده يوقعها
بيقول لشعبه ادوني مهله
راح يخرج ازاي م الوحله
******** ********
مالناش لا ناقه ولا جمل
ولَا احنا سبب اللي حصل
احنا ضحايا للخبل
وتهور آخره كان فشل
********. *******
ياعرب انتو إنضريتم
ولَا قوه قدرت تحميكم
قواعدهم للعسكر زينه
بتعمل ايه على أراضيكم
لو كنتو فاكرين تحميكم
(تبقى الخسارة حلال ليكم)
يبقى الجنون أرحم ليكم
********. ********
دي حرب مجنونه غبيه
لَا مجلس أمن ولَا قضيه
بقرار أحادي من شاطح
دمّر بلادنا العربيه
********. *******
يا جيشنا ورينا شطارتك
وخلي بالك كُن صاحي
دا الشعب كله في حمايتك
والضرب حواليك صبّاحي
يا مصري دا النصر هوايتك
*********. ********
تورامب لازم يتفاهم
أحسن ما ييجي كده نادم
عامل لينا نفسه ملاكم
عايز يفوز بالقاضيه
********. *******
الحرب دي اتورط فيها
وكل ساعه خساره فيها
ملايين عالأرض بيرميها
ولاجل عيون الواد بيبي
(نتن. ياهو) غرزه خلاص فيها
********* ********
لِمْ جنودك وارحل تاني
شعبك يا تورامب بيعاني
ما تفكرش تهاجم تاني
وتأذي عربي ولإ إيراني
وانتو يا عرب عملتوا ايه
لما خذلكم سِيدَْكُو البيه
فكروا بكره هتعملوا إيه
في قواعد ذخايرها كتير
زي الخُرده تفيدكو بإيه
********************
بقلم د / عبد الرحمن فتحي الحناوي.
من مصر
ليست هناك تعليقات:
إرسال تعليق