قدام الدار
**********×
اشعار / ياسر عبد الحميد
__________________
قدام الدار،، حبة غنمات
و زريبة ملانه دريس و حجات
و جاموسة بتزعق علي اوقات
شوالين غلة و صنية عليها كام قلة
و الساقيه بتدور في المطرح
و اللي بيسرح يتمني يرجع منظر فات
قدام،، الدار
الست صبيحة المتعافية
قدامها،، كانون و بتخبز عيش
و عيالها بتتنطط حافية
بيصبروا جوعهم بالقراقيش
تزعق ع البت اللي بتلعب
اتلمي يا بت بلاش تهبيش
استني اما يجيكي ابوكي
لو ما سرحتيش،، الدار بالخيش
و هاقول له انك،، بتك خايبه
هابله و منكوشة بشعر كنيش
و ساعتها ابقي اتداري قصاده
ها يقلم،، وشك، بالتلطيش
خابراني يا حيله اني ب قول،، ايه
تاجي تساعدي و انا بخبز عيش
تتعلمي مني يا مضروبة
انا ست عجوزة و كركوبة
لكن اتعلمت في قلب الدار
و انا لسة صغار،،
اما انتي
،،، علامك ،، دا،، لنفسك
إكتمي حسك،،،
لما اجي اتكلم ما ترديش
و مجاهد .اخوكي ،، الله،، ينجيه
راح، و اتطوع ،، عسكري في الجيش
فوق ع الحدود و العود مفرود
كنت ادعيله الله يعينه،،
و اهو ربك اتقبل مني
راح يبقي شاويش
وكمان عمك صالح المجريزي
يصلح حاله
رقوه بقا،، ناظر في التفتيش
و اني قاعدة،، كده كرمال ليهم
وبَلت عجيني و بدعي،، الله،، يحميهم
يراضوني وبرجع اراضيهم
و انا بخبز عيش
و المدعوق ابني اللي تاعبني
ولا فالح لامدرسة ولا غيط
رغم انه حويط،، انما فالح
بس في شغل التنطيط
و التاني ال سابني و متغرب
حارق قلبي دايما يُهرب
و طريقه مجبل ع الخواجات
كان لما بيرجع ياجي ف ريحي
بيفضفضلي بكل ما فيه
و بيحكي و حاجات
و يقوللي كلام عيب ع الستات
و اني بقرص رجله و اقول له،،
دا،، عيب
اتلم يا واد،، دا اللي اختشي مات
و مجاور ،، الله، يستر عرضه
زارع ارضنا،، ماهو علي طبليت ابه اتربي
خارج من دارنا و تمرت فيه
من يو ما اتجوز عام لاول
واقف من طوله يبان عرضه
و ف حر الشمس
يزرع يروي و الخير يجنيه
يوافينا من عزق عفيته
و اهو برضه،، خير زرعه مكفيه
و بلاقي جارتي مبحلقه فيا
و بقول لها عينك يا وليه
من عينك شوفت المرازيه
اني لسه قدامي صبيه
عاوزة اسَتَرها ،، سيبينا نعيش
_________________
ليست هناك تعليقات:
إرسال تعليق