(هالحال ما عاد مقبول)
اسمعني شو بدي قول
همك عمرو ما حيزول
ما زال عنا حكومات
ما عم تعمل بالأصول
وغلوا سعر البنزينات
وعمَّ يحتكروا للفيول
وعم بيزيدوا الجبايات
وهيك وضع مش مقبول
وعم يقضوها سفريات
وعم بيشدوا فينا نزول
وبكرة بتغلا التكسيات
ومعاش ضايع بالمجهول
وبتزيد عنا الدوريات
وحجز دغري وعلى طول
وما بيعود إمكانات
ولا للعيش فيه حلول
وبتكتر عنا العصابات
وكلو بسبب مسؤول
وبتدفع كل المصريات
وعالسجن وإنت مغلول
وبيزيد القتل والسرقات
والعدل بابو مقفول
وبترخص عنا الكرامات
والبلد بعدو مشلول
هيدا غير الإهانات
والشعب وضعوا خجول
ولك يلعن أبو هالحياة
شعب بيتمنى الممات
ولا يعيش العمر مذلول
بقلمي إسحاق قشاقش
ليست هناك تعليقات:
إرسال تعليق