***(( زَجَليات شَعبية....قرادي....))***
يِسلَملي طول الحُلوة ........يِسلَم هَالقَد
يا ريت منعمَل حَفلة............عَكراسي الخَد
لَما غَنيتي غُنوة ..........القَلب إشتَد
حَسيت بحالي موَلِع..............هَبَة نيران
***
ياما عَالدَرب مشينا ........ ونِحكي بالحُب
والغَمزة من عينينا .........بِتفِك الكَرب
بسَهرة حُلوة تسَلينا...........وِحياة. الرَب
وقَلبي عاشِق لَقَلبِك...........دَوما عَطشان
***
غَنَيتي أجمَل غِنية.............قَلبي بِذوب
قَلبي حَب الحُرية.............وحَب المَحبوب
بيضا كثير الصَبية............الثَلج يذوب
يا ريت سهِرتي عنا..........ماني نَعسان
***
لبستي الفُستان البُني........أيام العيد
حُلو كثير وجَنَني.........الفُستان جديد
حُبِك دوما بِجذِبني..........منشرَب لِنبيد
لَحظ عُيونِك رَقَصني.......صُرِت سَكران
***
ليست هناك تعليقات:
إرسال تعليق