الليل ستار (805)
..............
غدرك للعشرة ده جاه في وقته
فهمني الدرس إتعليمته
بعد ما أأمن لك ليه خنته
بان غشك بان
ليه نسيت أوجاع دمع عيوني
وليالي عتاب ياما ظلموني
شايفينه حنيين ولاموني
وأنا حضني عذاب
سقياه المر عايش صابر
راضي بنصيبه وبتكابر
ولا حس معاك صدق مشاعر
بقى ليله نهار
هديت جوايا حلم وجودي
وعليت أسوار هجر سدودي
مظلومه وخايفه تقولوا عودي
ما كرهت الدار
الناس شايفين نص الصورة
ولا شافوا جوايا روح مكسوره
برواز ع الحيط هاجراه الصوره
مغصوب محتار
راح أعيش مقهوره عمري بحاله
وهطبطب على قلبي قباله
ما أنا ليه زمان فاقده أمانه
والليل ستار
ياما ليل جوايا ولا داق فرحه
وكلامه وعود أشواك طارحه
مجبوره أعيش شارده وسارحه
وإخترت بشوك أرضه المالحه
والليل ستار
بقلم .. صبري رسلان
ليست هناك تعليقات:
إرسال تعليق