* قصيدتي المحمديه ( راجل )
راجل وصورته
دي نور للوجود
راجل وريحته
دي عنبر وعود
من صغر سنه
طالل لفوق
وفي كتفه شامه
دي مش عروق
شوفو الايوان
وصمت النيران
والختم يشهد
يا جهل فوق
راجل وصورته
دي نور للوجود
راجل وريحته
دي عنبر وعود
أول كلامه
صدق وأمانه
نشهد ونحلف
ونعطي العلامه
يومها اختلفنا
بزمزم حلفنا
لننشب كفوفنا
ونشهر سيوفنا
جبنا النهايه
وكانت بدايه
أول ما جانا
ونسم حدانا
شرف وزارنا
وكرم حجرنا
بايده الشريفه
وعينه العفيفه
رد الامانه
وشفنا العلامه
راجل وصورته
نور للوجود
راجل دي ريحته
عنبر وعود
بين صباه
شجاعته وحياه
والناس في المواقف
بتهتف وراه
في أول شبابه
راح ورد بابه
لا شرب تلاقيه
ولا اه وايه
مؤدب وصاين
حلاله مداديه
في قلب الليالى
تلاقيه في العلالي
وحده في غاره
كأنه في داره
يشاهد النجوم
وبينهم يعوم
إسمه ما بينهم
أحمد وزانهم
محمد وازنهم
ولفظ الجلاله
منور حاضنهم
اقرأ وشوف
ما بينهم وطوف
وبلغ وقول
أتاني الرسول
وبدأ النزول
كلام شكل تاني
أدله ومعاني
بتنشر علام
يبدد ظلام
ويمحي الجهاله
تغيب الضلاله
ويبقي الإيمان
رساله رجوله
حكايه بطوله
لطول الزمان
محمد نبينا
دا مسك الختام
راجل وصورته
دي نور للوجود
راجل دي ريحته
عنبر وعود
* انتهت من فضل الله تعالى قصيدتي ( راجل ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق