ليه بقيت
حاله استحاله تغيرها
ليه بقيت
جواك مشاعر سهل تبديلها
بقيتلي صوره مكسوره
وللأسف صعب تصليحها
ليه بقيت
ليه بقيت جرح صعب
القي دواه
ليه بقيت صوت بيمنع
حد غيرك يسمع صداه
بقيت كلام من غير حروف
لا معني له ولا ترجمه
لأن اللي واصل منك
يا دوب صوت همهمه
ليه بقيت
مش كلامك ولا ده سلامك
ولا حتي دي نظرتك
مش دي عينيك ولا دي أيديك
ولا حتي دي لمستك
بقيت غريب شئ عجيب
خلتني في حيره
مش عارفه رايحه ولا جايه
مش عارفه حتى دمعتي
تمسحها ايديا
ما بقيتش شايفه لأني خايفه
أكون انتهيت
وده سؤالي بساله للمرة الأخيرة
ليه. بقيت
كلمات / عادل النمرسي
ليست هناك تعليقات:
إرسال تعليق