لكن عادي ...بقلم الشاعر حمدي توفيق

 لَكِن عَادي      

..............

لَكِن عَادي

شِبعنا مِن الحَياة

تَلطِيش

وكُل مَطَالبي بَقت

تَهمِيش

كِرهت العِيشة وأَكل

العِيش

لَكِن عَادي

مَكُنتش من الحياة

مَبسوط

ولو حَتى بالفرح

مَربوط

مَدام الخَرس صَابنا 

خَلاص

وِبَقا كُل

أملنا يَاخَلق سِكُوت

دِي  مِش

عِيشة ... دي عِيشة

إضرب

السَايب

يخَاف مِنك المَربُوط

لَكِن عَادي

ومِش طَالب أكُون

مَحظُوظ

ولاَ حَتى يكُونلي 

نِفوذ

أنا عَجباني أخلاقي

ومِتصَالح

مَع .... نَفسي

ولو 

حَتى  هَاأكُون مَنبوذ

لَكِن عَادي 

وِمِش زَعلان

وَلاَ عَلى كُل اللي

رَاح 

مِني كَمان نَدمان

عَشان

عَارف إن أنا عَايش 

في

مَعية الرَحمن 

وبكفاية إني وسطيكم

بِروح

إنسان

لَكِن عَادي

وِبدون مَاأهتم بالتَفَاصيل 

وِمِش

مِحتَاجة أي .. دَليل

خَلاص

نَويت أقول كِفاية

أستُوب

ولاَ هاأسمح لهاَ تاني

عَليَا

تِميِل

لَكن جَد اللي مِش

عَادي

نفوس وحشة شريرة

مابين

الاهل والخلان والصحبة

والجيرة

فأنا رأيي منهتمش

وبسرعة

نفضها .... سيرة

.....

م. حمدي توفيق